Hundmann klappstaða
Hundmann er engum líkur. Þetta er áttunda bókin í bókaflokknum um hann. Fáar ef nokkrar bækur eru jafn fyndnar og Hundmann og er leit að vinsælli barnabókum í heiminum.
Allar bækur
Síða 10 af 25
Hungurleikarnir
Loksins fáanleg aftur! Hungurleikarnir er fyrsta bókin í æsispennandi bókaflokki Suzanne Collins en bækurnar fóru sigurför um heiminn, sátu árum saman á metsölulistum og eftir þeim voru gerðar geysivinsælar kvikmyndir. Þær hafa verið þýddar á yfir fimmtíu tungumál og selst í meira en 100 milljónum eintaka.
Huppa frá Kluftum
Ættmóðir íslenska kúastofnsins
Huppa frá Kluftum er ættmóðir allra nautgripa af íslenska kúakyninu en á þessu ári eru 100 ár frá fæðingu hennar. Má fullyrða að væri ættarskrá til fyrir þá alla kæmi Huppa að jafnaði a.m.k. 100 sinnum fyrir hjá hverjum grip. Hér er fjallað um uppruna hennar og áhrif hennar á erfðamengi íslenska kúastofnsins o.fl. o.fl.
Hún er hér
Hún er hér er önnur bókin um miðilinn Rósu. Hún er fengin til að hjálpa ungum dreng sem verður fyrir óhugnanlegri ásókn sem engin augljós skýring virðist vera á. Í leit sinni að svörum opnar Rósa á myrk leyndarmál fortíðarinnar þar sem dökk fjölskyldusaga tekur smám saman á sig óþægilega mynd.
Húsamygla
og varnir gegn henni
Húsamygla er viðvarandi vandamál í húsum á Íslandi, nýjum sem gömlum. Í þessari bók er fjallað um þennan vanda og bent á leiðir til úrlausnar og um aðferðir sem geta komið í veg fyrir myglumyndun í nýbyggingum.
Húsið á bjargbrúninni
Þriðja bókin um beinasérfræðinginn Ruth Galloway sem aðstoðar lögregluna við að leysa gömul mál. Sex beinagrindur finnast á ströndinni við gamalt setur í Norfolk. Þær hafa greinilega legið þar lengi og ráðgátan virðist teygja anga sína aftur til stríðsáranna. Ómótstæðileg blanda af ráðgátum og spennu, fornleifafræði, húmor og heillandi persónum.
Húsið: hlýskeið
Á Skólavörðuholti er verið að byggja heila hæð ofan á lítið timburhús. Eigandinn er vakinn og sofinn yfir framkvæmdunum en fer einnig að grúska í sögu hússins og óhugnanlegum atburðum sem þar áttu sér stað. Margræð skáldævisaga um tímann, mannleg tengsl og þörfina fyrir öruggt skjól, hvort sem það er á heimilinu, í borginni eða meðal samferðafólks.
Hvaðan kemur kúkafýlan?
Stelpan er að horfa á sjónvarpið á meðan pabbinn eldar kvöldmat. Allt í einu gýs upp ægileg kúkafýla! Ætli hundurinn hafi verið að prumpa? Nei, ekki var það hann. Hvaðan kemur þá þessi kúkafýla?
Hvalamorð
Hvalveiðibátar Miðhvals hf. halda til veiða. Whalepeace, skip hvalfriðurnarsinna, er komið til hafnar í Reykjavík. Hvalavinir mótmæla á Austurvelli og við ónýtu hvalveiðibátana við Ægisgarð. Forsprakki hvalavinanna, Tom Waitrose, hverfur sporlaust. Launfyndin saga og grípandi samfélagsádeila.
Bekkurinn minn 10 Hvar er Lóla?
Hvar er Lóla? fjallar um Davíð dýravin og Lólu, músina hans. Einn daginn laumar Lóla sér með í skólann og leikur þar lausum hala. Davíð og vinir hans verða að finna Lólu áður en bjallan hringir. Einfaldari útgáfa af hinum vinsæla bókaflokki Bekkurinn minn.
Hverfa
Ljóðabók skrifuð af næmni og skarpsýni sem fjallar um fegurðina í hinu óræða; undrin og töfrana sem við ekki komum alltaf auga á en búa í þögninni milli vélrænna hendinga samtímans.
Hvernig fangahús varð stjórnarráðshús
Fangahúsið á Arnarhóli á sér langa og merkilega sögu. Það var reist 1766–1771, breytt í bústað stiftamtmanns 1820 og síðan í Stjórnarráðshús 1904. Árið 1997 fóru þar fram byggingarsögulegar rannsóknir í aðdraganda þess að allt húsið var lagt undir forsætisráðuneytið. Frá þessari sögu og mörgu öðru er sagt í bókinni í máli og myndum.
Hvíldin
Hvíldin er fimmta glæpasaga Ragnheiðar Gestsdóttur. Fyrri bækur hennar eru Úr myrkrinu, Farangur, Blinda og Týndur. Farangur hlaut Blóðdropann árið 2021 og var tilnefnd til Glerlykilsins 2023.
Hæfileikaskólinn
„Enginn er góður í öllu en við erum öll góð í einhverju“ Orri arnarungi vill fara í skóla til að rækta hæfileika sína. Í leit sinni að góðum skóla lendir hann í alls kyns hremmingum. Eins og í öllum góðum sögum endar allt vel og Orri getur þroskað hæfileika sína í stað þess að reyna að læra það sem hann er ekki skapaður til að gera.
Inga slynga
Stórskemmtileg bók fyrir yngstu lesendurna eftir Helga Jónsson. Inga ætlar sér að verða alþingismaður þegar hún verður stór og er strax byrjuð að æfa sig. Líflegar og bráðsmellnar teikningar eftir Hrannar Atla Hauksson.
Innum veggi verundar
Ljóðið fylgir okkur og eins getum við fylgt ljóðinu. Það tengir okkur við gang lífsins, lætur okkur staldra við og veita eftirtekt. Einnig verða ljóð til í andakt og geta þróast inn í ókunna hugarheima. Höfundur er geðhjúkrunar- og fjölskyldufræðingur og hefur starfað sem sérfræðingur í heilbrigðiskerfinu en jafnframt kennt í bæði HÍ og HA.
Irpa
Edda þráir tilbreytingu í lífið og þegar hún sér litla eyju auglýsta til sölu sannfærir hún Atla um að flytja þangað. Á Varpey vex allt og dafnar og parið hefst handa við að breyta hlöðunni í gistiheimili. Þegar Edda tekur að sjá hvítklæddri konu bregða fyrir verður hún smám saman sannfærð um að þau deili eyjunni með einhverjum sem vilji þeim illt.
Í hæfilegu magni
Kraftmikil ljóðabók um litríka uppreisn gegn þeim þrönga stakki sem samfélagið sníður konum. Bók sem er of hávær, of fjörug og fjallar um alltof stórar tilfinningar. Þetta er fyrsta ljóðabók höfundar en hún bar sigur úr býtum í handritasamkeppni Forlagsins, Nýjum röddum, árið 2022 með sögunni Getnaði.