Síða 21 af 25
Í hjólhýsi finnst lík manns sem hefur verið limlestur af ólýsanlegri grimmd. Í næsta herbergi sefur hinn 17 ára gamli Hugo Sand. Hann þjáist af skelfilegum martröðum, gengur í svefni – og segist ekki hafa hugmynd um hvað átti sér stað þessa nótt. Lögregluforinginn Joona Linna leitar til dáleiðara í von um að komast að sannleikanum.
Þessari bók eru tvær sögur, Sveitalæknirinn og Þorpspresturinn. Fyrri sagan er þrennt í senn, ástarsaga, stjórnmálasaga og sagnfræðileg upprifjun. Síðari sagan er skyld þeirri fyrri að því leyti að þar fara saman mannlegur harmleikur, pólitískar hugsjónir og samfélagslegar umbætur.
Ævintýri fyrir ofurhetjur er bókaflokkur fyrir aðeins eldri aðdáendur ofurhetjanna, hraðari og meira taugatrekkjandi – fullkomin afþreying fyrir þau sem vilja fá meira af ofurhetjunum!
Skemmtileg harðspjaldabók fallegum borðum til að þreifa á og yndislegum myndskreytingum. Fullkomin til að róa ungbörn fyrir svefninn.
Atvik í bakaríi vekur upp minningar hjá Kari Helene Bieler um hvað raunverulega gerðist þegar litli bróðir hennar lést sem ungbarn fyrir sextán árum. Leyndin sem umlokið hefur dauða barnsins hefur reynst einstakt skjól fyrir siðblindingja sem hefur lifað tvöföldu lífi í mörg ár.
Ljóðrýni
Í þessari bók rýnir skáldið, rithöfundurinn og bókmenntaprófessorinn Njörður P. Njarðvík í 39 ljóð eftir 38 af okkar fremstu skáldum. Njörður greinir uppbyggingu ljóðanna, merkingu þeirra og tilætluð áhrif í samspili orða, hljóms og menningar. Ljóðrýni þessi á uppruna sinn í kennslu Njarðar í íslenskum bókmenntum við Háskóla Íslands.
Mynstur. Þú finnur þau um allt, í öllu. Finnur þau innra með þér, hugarmynstrin, sem ráða því hvernig þú upplifir heiminn, hvernig þú bregst við honum. Þá fyrst þegar þú getur séð þau öll ertu frjáls. En til þess þarftu að taka þér ferð á hendur inn í skóginn, inn í þinn eigin myrkvið.
Í kjölfar andláts föður síns koma systkinin Ulrika, Andrea og Rasmus saman á æskuheimilinu til að fagna afmæli móður sinnar. Miðsystirin, Andrea, þráir að mynda sömu nánu tengslin við mömmu sína og eldri systirin, Ulrika, hefur alltaf haft. En það virðist engu skipta hversu mikið hún reynir, hún upplifir sig alltaf utangarðs.
Fyrst var það Brostu, sem kom út í fyrra. Nú er það Systur, óbeint framhald af fyrri bók. Raina Telgemeier segir hér frá kostulegu ferðalagi systra með mömmu sinni í sendiferðabíl. Er eitthvað betra en að rífast við systur sína? Flottur lestur fyrir unga lesendur. Litmyndir.
Vinkonurnar Lovísa og Patricia fara í haustlitaferð til Kyoto, fyrrum höfuðborgar Japans. Þær eru með sögur og ást á heilanum. Lovísa lifir sig inn í frásagnir Patriciu og reynslusögurnar verða því á við lestur góðrar bókar. Stundum er sagt að sjón sé sögu ríkari, en er það alltaf þannig?
Halli og Tóti eru bestu vinir og gera allt saman. Þegar Tóti tilkynnir Halla að hann muni flytja til Svíþjóðar sumarið eftir 7. bekk hrynur veröldin. Vinirnir munu ekki einu sinni ná að horfa saman á framhaldið af uppáhaldsteiknimyndinni sinni, Bankaráninu, áður en Tóti fer! Ja, ekki nema Halli nái að fremja hið fullkomna rán ...
Tikknikk kemur langt að og gætu verið hættulegt!
Tikknikk kemur langt að og gætu verið hættulegt!
Árið er 2033. Ríkisstjórnin hyggst leggja fram umdeilt frumvarp um að leyfa ófrjósemisaðgerðir á börnum. Magnea er þingmaður í stjórnarandstöðu og staðráðin í að beita sér af alefli gegn málinu. Á sama tíma eru blikur á lofti í einkalífinu. Tómas, eiginmaður hennar, er spendýrafræðingur sem glímir við erfiða drauga fortíðar.
Komdu í tímaferðalag með Seyðfjörð-fjölskyldunni í þessu skemmtilega ævintýri. Uppgötvaðu heillandi tímabil sögunnar og hjálpaðu Stebba og fjölskyldunni hans að komast í næstu ormagöng. Villta vestrið, víkingar, faraóar, risaeðlur ... og svo ótalmargt fleira! Sagan eins og þú hefur aldrei upplifað hana áður!
Árið 1961 leyfir hin sextán ára hlédræga Ragna ungum og myndarlegum pilti, Oddi, að leiða sig út á dansgólfið. Ástin blómstrar og unga parið leggur hamingjusamt af stað út í tilveruna, fer að búa og byggja upp fjölskyldu. En lífið fylgir ekki alltaf fyrirframgefnum uppskriftum.
Bresk kona drukknar í sundlaug við sumarbústað á vesturströnd Danmerkur. Var þetta slys – eða morð? Ef hún var myrt hver gat gerandinn verið? Afbrýðisöm systir hennar? Ósáttar vinkonur? Ástkær eiginmaður? Eða pabbi hennar sem átti í miklum fjárhagskröggum og þurfti á þeim fjármunum að halda sem líftrygging dóttur hans myndi færa honum?
Lýðræði og frelsi í Evrópusambandinu
Hvað gerist þegar vald færist frá kjörnum fulltrúum til tæknikrata, sérfræðinga og embættismanna? Tækniprestakallið rannsakar lýðræði, frelsi og vald innan Evrópusambandsins með stríðið í Úkraínu sem útgangspunkt og spyr grundvallarspurningar: Hver hefur vald til að skilgreina hvað telst lýðræði?