Síða 28 af 37
Stórfótur leikur lausum hala í Rumpuskógi! En mikið stendur til því íkornapar eitt ætlar að gifta sig með pompi og prakt. Ætli skrímslið bjóði sér í brúðkaupið? Eitt er víst og það er að Teddi og Nanna og vinir neyðast nú til að halda á vit óvissunnar til þess að bjarga Rumpuskógi frá þessu hræðilega og illa lyktandi fýluskrímsli. www.kver.is
Þriðja bindi af sjö í skáldsögu Solvej Balle um Töru Selter sem situr föst í nóvemberdegi. Höfundurinn hlaut bókmenntaverðlaun Norðurlandaráðs 2022 fyrir fyrstu þrjú bindin sem nú eru öll komin út á íslensku í þýðingu.
Saga um dularfull skeyti og stuð
Eftir langan, dimman vetur og vægast sagt glatað vor, er sólin loksins mætt til Reykjavíkur. Tvíburasystkinin Inga og Baldur eru komin í sumarfrí og forvitni þeirra er vakin þegar þau finna dularfullt flöskuskeyti. Þau ákveða að rannsaka málið á sinn einstaka hátt og ævintýri hversdagsins hefjast!
Tímarit Sögufélags LXIII: 1 og 2, 2025
Tímaritið Saga kemur út tvisvar á ári, vor og haust. Efni þess tengist sögu og menningu landsins í víðum skilningi. Ritrýndar greinar og viðhorf mynda stærstu efnisþætti tímaritsins. Í Sögu birtast einnig ritdómar og ritfregnir um nýjar bækur er varða sögu, einkum Íslandssögu, og annað efni af sagnfræðilegum toga. Ómissandi öll...
Samfélagið sunnan jökla 1840-1902
Eymundur og Halldóra í Dilksnesi brutust til efna og mannvirðinga í allsleysi 19. aldar, þau eignast 16 börn og koma víða við í atvinnu og menningu. Hann var smiður, hafnsögumaður, læknir og skáld. Erfiðleikar í bland við frelsisþrá leiða fjölskylduna til Vesturheims 1902 en fimm árum síðar koma þau aftur heim í Hornafjörð og búa þar til æviloka.
Söguleg skáldsaga
Átakanleg saga um misnotaða stúlku sem fæddi barn á leið yfir Oddskarðið alein í blindbyl um hánótt. Þetta er mögnuð saga um saklausa stúlku og baráttu hennar.
Bók með litlum gluggum sem opna inn í styrkinn og fegurðina sem fylgir því að vera saman.
Þessi fallega bók er bæði ljúf og áhrifarík, með litlum gluggum sem opna inn í styrkinn og fegurðina sem fylgir því að vera saman.
Skemmtileg myndskreytt saga miðuð við yngstu lesendurna. Textinn er 400-500 orð og skilningsverkefni eru í lok sögunnar.
Fjórir splunkunýir rímnaflokkar eftir jafnmörg skáld, ortir samkvæmt fornri hefð. Skáldin glíma við yrkisefni úr samtímanum, s.s. forsetakosningar, umferðarmál, laxeldi og gervigreind. Ragnar Ingi Aðalsteinsson ritstýrir og skrifar inngang.
Samverustund er bókaröð fyrir yngsta aldurshópinn. Markmið bókanna er einfalt, þegar börn eru umvafin kærleik og nánd, fá alla okkar athygli og tíma, skapast mikilvægustu samverustundir barnæskunnar. Undurfagrar vatnslitamyndir leika við lesendur á hverri opnu.
Samverustund er bókaröð fyrir yngsta aldurshópinn. Markmið bókanna er einfalt, þegar börn eru umvafin kærleik og nánd, fá alla okkar athygli og tíma, skapast mikilvægustu samverustundir barnæskunnar. Undurfagrar vatnslitamyndir kæta lesendur á hverri opnu.
- umræðurit -
Samvinnuhreyfingin á Íslandi markaði djúp spor í sögu þjóðar í meira en eina öld og var samofin vegferð hennar úr fátækt til velmegunar. Hér segir höfundur þessa sögu á aðgengilegan og sannfærandi hátt með sínum vel þekkta knappa stíl.
Lífsvegur Sólveigar mun brátt að endalokum kominn. Bára er ung kona með framtíðina fyrir sér. Í fortíð beggja leynist myrkur sem finnur sér leið upp á yfirborðið. Sálarstríð er áhrifamikil og falleg saga þar sem örlög tveggja kvenna tvinnast saman á eftirminnilegan og óvæntan hátt.
Þetta er ekki bók um hvernig á að ná árangri í fjárfestingum og sigra markaðinn, eða verða ríkur á einni nóttu. Þetta er bók um hegðun, viðhorf og sjálfsþekkingu, og þar af leiðandi um hvernig við getum tekið betri og meðvitaðri ákvarðanir. – Metsölubók um allan heim.
Hinn ungi séra Ebeneser er fljótur að vinna hug og hjörtu samstarfsfólks og safnaðar í kirkjunni þar sem hann er afleysingaprestur. Með nærveru sinni einni saman leysir hann erfiðar deilur milli manna, frelsar fólk frá sálarangist og stöðvar ofbeldismenn í vígaham.
Í nærveru sorgar. Bók sem eykur innsæið í okkur sjálf og færni til að vera til staðar fyrir einstaklinga, fjölskyldur og ekki síst börn sem eru að takast á við sorg og áföll. Bókin nýtist fagfólki einnig vel.
Við fyrstu sýn virðist morðið ósköp venjulegt. En lögregluforingjanum Everts Bäckström finnst ekki allt vera eins og það sýnist. Hann er að vísu með hálfan huga við ströng fyrirmæli frá lækni um breytta lifnaðarhætti sem hann á erfitt með að fylgja. En tilfinning Bäckströms reynist rétt.
Það er föstudagur og Alex hlakkar til bekkjarpartísins. Skyndilega fær hann vinabeiðni frá ókunnugri stelpu og byrjar að spjalla. Þegar hún biður um myndir hikar hann fyrst – en svo fer allt á versta veg. Hjálpleg og aðgengileg bók sem hvetur börn á aldrinum 6–14 ára og foreldra þeirra til samtals um lífið á netinu.