Síða 28 af 38
Bókin um Prumpulíus og Roplaug er þriðja bókin um brelludrekann knáa. Í bókinni mætir Roplaugur í Drekadal með hvílíkum látum og gleypugangi. Vinirnir Hiksta-Halla og Prumpulíus reyna að ná stjórn á aðstæðum og grípa til örþrifaráða til að stöðva óhemjuna. Bráðfyndin saga sem fjallar um á stjórnlaus búkhljóð og sannan vinskap ólíkra einstaklinga.
Metsölubókin sem er orðin klassík! Sumt fólk bíður allt sitt líf eftir því að finna sálufélaga. En ekki Holly og Gerry. Þau löðuðust hvort að öðru í æsku og urðu svo samrýnd að enginn gat ímyndað sér að þau yrðu nokkurn tímann aðskilin. Við andlát Gerrys bugast Holly en Gerry skildi eftir sig skilaboð til hennar, ein fyrir hvern mánuð ársins.
Þegar Magnea Ísaksdóttir, blaðamaður Kroníkunnar, heimsækir höfuðvígi umdeilds ásatrúarsafnaðar undir Tindfjallajökli flækist hún í háleitar fyrirætlanir allsherjargoðans, Óðins Jónssonar. Óðinn trúir því að söfnuðurinn sæti ofsóknum yfirvalda og að kominn sé tími til að spyrna við fótum. Áður en Magnea veit af er hún í auga storms sem eirir engu.
Þrjár systur: Lisbet, sem er ljósmóðir, Judith, sem er ljósmyndari og Carol, sem á við áfengisvandamál að stríða. Hver þeirra skyldi það vera sem ryður úr vegi hættulegum vandræðamönnum en virðist á yfirborðinu „ósköp venjuleg“? Lögregluforingi á eftirlaunum kemst á sporið – og úr verður æsilegt kapphlaup sem berst meðal annars til Íslands.
Simbi er eini rauði fiskurinn í himinbláu hafi. Hann leggur upp í ferðalag í von um að finna fleiri fiska sem eru eins og hann. Lesandinn fylgir Simba um heit höf og köld - stundum er hann hræddur, stundum hrifinn, en alltaf vongóður um að ná markmiði sínu: að finna lítinn, rauðan leikfélaga og höndla hamingjuna. Einnig fáanleg á ensku.
Sally og Silas ólust upp saman og löðuðust hvort að öðru. En myrkur atburður verður til þess að leiðir skilja. Tuttugu og fimm árum síðar hittast þau aftur. Þá er ljósmóðirin Sally ekkja og Silas heimsþekktur listamaður. Tilfinningar þeirra til hvors annars rista enn djúpt en óuppgerðar sakir stía þeim í sundur.
Það líður að miðnætti á knattspyrnuvellinum í Skógargerði og það þýðir að nú er hægt að kveikja í varðeldunum á Jónsmessunótt. Og það sem er mikilvægast, leikurinn gegn Vonskuvík er rétt að hefjast. Sigurliðið mun taka sigurlaunin með sér heim, styttuna af Jóhannesi skírara, til varðveislu í heilt ár.
Draugastofan 3
Það er draugagangur á bóndabænum Hagakoti. Á næturnar kemur draugur og hleypir hesti Róbertós Gonzales úr haganum. Þetta hefur gerst ítrekað en bara þegar það er þoka … Róbertó leitar til Eddu og Krumma á Draugastofunni um hjálp. Hvað vill draugurinn eiginlega? Og hvers vegna fer hesturinn alltaf að fossinum?
Karólína stóra systir Jósefínu er í vandræðum. Kvöldið sem hún fór snemma heim úr vinnunni var peningum rænt af vinkonu hennar. Eða svo segir vinkonan...
Endurhæfing í 80 ár
Stórskemmtileg og eiguleg bók með sögum og myndum sem ekki hafa áður birst. Auðvelt er að grípa niður í einstaka atburði eða tímabil og rammagreinar gera bókina einkar aðgengilega. Tilvalin gjafabók til stuðnings SÍBS og Reykjalundi.
Ung kona sem talar 11 tungumál stígur upp úr volgri hjónasæng og heldur í ferðalag til að finna stað fyrir sumarbústað. Með í för er heyrnarlaust barn og í hanskahólfinu er happdrættisvinningur. Á leið hennar í nóvemberþoku verða þrír karlmenn og nokkur dýr. Í bókinni eru 47 mataruppskriftir og ein prjónauppskrift.
Lengsta bók veraldar
Stútfull bók af fróðleik um hættulegustu, stærstu og hraðskreiðustu risaeðlur sem lifað hafa á jörðinni! Og svo er þetta ein lengsta bók veraldar! Þessi tveggja metra langa tómstundabók hefur að geyma hrikalegar risaeðlur. Glæsilega myndskreytt!
Margslungin og metnaðarfull sænsk glæpasaga. Vanessa Frank rannsakar morð á þrítugri konu í Stokkhólmi en þar í borg fer ofbeldisglæpum gegn konum síst fækkandi. Bakslagið í kjölfar MeToo er áþreifanlegt og vaxandi fylgi kvenhataranna í stafrænu Incel-hreyfingunni vekur ugg. Og þeir láta sér ekki allir nægja að fá útrás fyrir hatrið við tölvuna.
Hvað varð um Rósu og Björk, yngri systur Hildar, sem hurfu sporlaust árið 1994? Eftir öll þessi ár virðist Hildur loks vera komin á slóðina en þá kemur upp nýtt mál sem hún þarf að sinna í starfi sínu í lögreglunni á Ísafirði. Satu Rämö er finnsk en býr á Íslandi. Fyrsta bók hennar um Hildi sló í gegn og hér er komið æsispennandi framhald.
Höfundur miðlar áratugalangri reynslu sinni og Rósaklúbbs Garðyrkjufélags Íslands af rósarækt við íslenskar aðstæður. Þekkingunni er miðlað með hagnýtri nálgun og skýrum ráðleggingum um þau atriði sem ráða mestu um árangur í ræktun rósa hér á landi.
Er eitthvað ævintýralegra en að sofa í hengirúmi undir berum himni? Er einhver sem segir að bíll geti ekki líka verið flugvél? Eða að Esjan geti ekki heitið Skuggheimahóll – og að þar búi skuggaverur sem elska rifrildasúpu?
Stórfótur leikur lausum hala í Rumpuskógi! En mikið stendur til því íkornapar eitt ætlar að gifta sig með pompi og prakt. Ætli skrímslið bjóði sér í brúðkaupið? Eitt er víst og það er að Teddi og Nanna og vinir neyðast nú til að halda á vit óvissunnar til þess að bjarga Rumpuskógi frá þessu hræðilega og illa lyktandi fýluskrímsli. www.kver.is
Þriðja bindi af sjö í skáldsögu Solvej Balle um Töru Selter sem situr föst í nóvemberdegi. Höfundurinn hlaut bókmenntaverðlaun Norðurlandaráðs 2022 fyrir fyrstu þrjú bindin sem nú eru öll komin út á íslensku í þýðingu.