Síða 16 af 25
Niðursetningurinn Einar Gíslason deyr voveiflega í fjárhúsunum Skálmardal í Múlasveit. Slys, segir bóndinn Jón rúgkútur. En sár á höfði og járnnaglar sem reknir eru upp í iljar þess látna segja aðra sögu. Hér er rakin hrollvekjandi spennusaga sem byggir á heimildum úr skjölum og rannsókn á vettvangi. Mögnuð frásögn af dularfullu sakamáli á 19. öld.
Í þessari bók rekur Bjarki Bjarnason sögu Mosa, samtaka áhugafólks um umhverfismál, útivist og mannlíf Í Mosfellsbæ og hvernig þessum grasrótarsamtökum tókst að hafa veruleg áhrif á nýtingu landgæða í sveitarfélaginu með því að beita sér gegn óhóflegri malartekju. Útgáfan er tileinkuð Andrési Arnalds.
Fjórða bókin í verðlaunaritröð höfundar um Oddnýju langömmu sína í Biskupstungum á ofanverðri 19. öld. Þegar líður á sólskinssumarið 1878 hleypur galskapur í vinnukonurnar í Bræðratungu og þær setja allt á annan endann. Næm eyru heyra vinda frelsis blása sunnan úr Evrópu og þá er freistandi að fylgja hjarta sínu þótt það geti reynst dýrkeypt.
Leitast er við að kjarna þessar sammennsku tilfinningar og upplifanir sem svo mörg okkar upplifa í gegnum barneignarferlið, en erum stundum feimin við að tala um.
Á hverjum laugardegi hjóla músasysturnar í dansskólann. Þar tipla þær á tánum, hoppa og snúast í hringi og sveifla skottinu í takt við tónlistina. Ekkert í heiminum er skemmtilegra! Allt í einu gerðist nokkuð sem enginn átti von á … Hvað skyldi það vera?
Eva Björg Ægisdóttir og Jérôme Loubry eru bæði margverðlaunuð fyrir glæpasögur sínar. Þau leggja hér saman krafta sína að undirlagi glæpasagnahátíðarinnar Quais du polar í Lyon en hana sækja yfir 100.000 manns ár hvert. Bókin kemur út samtímis á Íslandi og í Frakklandi.
Nadía elskar að spila Zombiecraft, sérstaklega með Alex. Nadía bráðnar í hvert sinn sem hún sér hann. Svo fara óhugnalegir hlutir að gerast í Zombiecraft og á sama tíma breytist Alex. Nadíu langar að segja mömmu sinni frá öllu, en hún er upptekin með Magga sem er alltaf í heimsókn. Hvað á Nadía að gera – og hver getur hjálpað Alex?
Í nótt semur tónskáldið í / gula húsinu næturljóð fyrir / neðansjávarbásúnu og strengi. Höfundurinn Gunnar Randversson fæddist á Akureyri 1959 en ólst upp á Ólafsfirði. Neðansjávarbásúnan er sjötta ljóðabók Gunnars sem einnig hefur sent frá sér smásagnasafnið Gulur Volvo.
Hér eru á ferð tvær veigamiklar myndasögur eftir Halldór Pétursson sem fyrst voru gefnar út í Morgunblaðinu á árunum 1959-1961. Með sögum sínum leggur Halldór íslenskri myndasögugerð til dýrmætt veganesti. Tilvalin bók fyrir nútímakrakka að komast á tiltölulega einfaldan hátt nær mest lesnu þjóðsögum Íslendinga.
Einn dimman desembermorgun birtast tvær glitrandi glyrnur í myrkrinu og boða upphafið að stórskemmtilegum ævintýrum þar sem við sögu koma kafloðinn risahundur og dálítið geðvond norn sem búa í skrítnasta kofa í heimi. Sagan vann samkeppni Borgarbókasafnsins og Bókmenntaborgarinnar um jóladagatal ársins 2020 en kemur hér út með glænýjum myndum.
Þegar Daníel missir vinnuna beinist öll athygli hans að eldhúsinnréttingunni. Möguleikar á úrbótum eru margir og heillandi. Honum veitist þó erfitt að vekja ástríðu konu sinnar gagnvart verkefninu. Hann gleymir sér yfir kynórum um starfsfólk innréttingabúða og ekki bætir úr skák þegar búsáhöldin lifna við og leggja orð í belg.
Sjöleikurinn VI-VII
Þriðja og síðasta bindið í stórvirki norska Nóbelshöfundarins, hinum svonefnda Sjöleik, sem er seiðmagnað verk þar sem lífsbarátta og hugsjónir mætast. Undir sléttu yfirborði ólga heitar tilfinningar og glíma við drykkjuskap tekur sinn toll. Í samspili gleði og sorgar er samt óbilandi trúin á náð Guðs alltumlykjandi.
Fjölbreytt ljóð sem eru flest samin á síðasta áratug ævi Ásgeirs. Á þessum tíma dvaldi hann að stórum hluta í Prag í Tékklandi og ljóðin litast mörg af því. COVID tímabílið – eða Kófið (eins og Ásgeir kallar það) – fær líka sinn sess. Pokadýr, skúringakonur, kettir og körfuboltavellir eru meðal þess sem ber á góma. Átök og húmor í bland.
Ómar litli er logandi hræddur við skrímsli. Eðlilega! Enn eina nóttina er honum rosalega mál að pissa en þorir ekki fram úr rúminu sínu. En þá man hann eftir skrímslafælunni sem mamma hans gaf honum. Hann verður að safna kjarki og hætta sér niður til stigann til að komast á klósettið!
Þættir úr sögu höfuðbóls
Oddi á Rangárvöllum var miðstöð valda, kirkju og lærdóms undir forystu Oddaverja á 12. og 13. öld. Í bókinni eru aðgengilegar og ríkulega myndskreyttar greinar eftir fjölda höfunda, byggðar á Oddarannsókninni 2020–24 um samfélag, menntir og ritmenningu í Odda á miðöldum og undirstöður hennar.
Bók 11
Ef okkur verður á getum við líka breytt rétt.
Höfundur rifjar upp eftirminnilegan tíma sem forsetafrú Íslands og veitir lesendum innsýn í heim þar sem formlegheitin ráða ríkjum og opinberar heimsóknir og móttökur eru stór hluti af starfinu. Einnig segir Eliza frá uppvexti sínum í Kanada, námsárunum, ferðalögum og hvernig það var að flytja til Íslands og verða útivinnandi margra barna móðir.
Í lífinu mætum við flóknum áskorunum. Til að takast á við þær þarf að beina huganum í rétta átt. Þessi bók er sem neyðarkassi með bjargráðum handa öllum: okkur sjálfum, börnunum þegar þau fljúga úr hreiðrinu og fjölskyldunni þegar við vitum ekki hvernig er best að orða hlutina.