Stóra fagra frábæra líf
Í grípandi og nýrri skáldsögu eftir Emily Henry keppast tveir höfundar um tækifærið til að skrifa sögu stórbrotinnar konu sem er með þó nokkra ása uppi í erminni.
Allar bækur
Síða 32 af 37
Strákurinn sem las Jules Verne
Ég tók upp bókina, sneri henni við og las nafnið Jules Verne og titilinn Grant skipstjóri og börn hans prentað gylltum stöfum á litaða kápumynd sem sýndi furðulegan leiðangur í undarlegu landslagi. „Hvar fékkstu þessa bók?“ spurði ég.
Structural alteration
of Manuscripts in the Arnamagnæan Collection
Beeke Stegmann rannsakar í þessari bók vinnubrögð Árna Magnússonar en hann tók í sundur handrit sem hann hafði safnað, endurraðaði hlutunum og lét binda að nýju. Lesendur fá ekki aðeins betri skilning á sögu handritanna í safni Árna heldur varpar höfundur einnig ljósi á starfshætti eigenda handrita og umsjónarmanna fyrr á tíð.
Stúlka með fálka
Skáldævisaga – fullorðinsminningar
Sjálfstætt framhald fyrri bóka þar sem höfundur rekur eigin ættarsögu og ævi. Hér stendur hún á sjötugu og lítur um öxl, sögutíminn frá miðjum níunda tug síðustu aldar til nútímans. Sem fyrr er Þórunn hispurslaus og opinská og hlífir sér hvergi – frásögnin er full af visku og vangaveltum, fyndin og gáskafull en um leið blandin trega og söknuði.
Stærðfræði 1 með kennslumyndböndum
Ný og endurskoðuð kennslubók sem er ætluð nemendum sem ekki hafa hlotið nægan undirbúning í stærðfræði til þess að hefja nám á öðru þrepi í framhaldsskóla. Hún er jafnframt hugsuð fyrir þá nemendur sem hafa lokið fornámsáföngum í stærðfræði.
Stærsti og furðulegasti ævintýrabíll heimsins
Hín ótrúlega saga
Brúnó er ægilega stoltur af litla rauða bílnum sínum. En í umferðinni eru svo mikil læti; fólk að flauta og kalla – og svo, „búmm“! Það verður árekstur. Árekstur! Enginn slasast, en bíllinn er ónýtur. Og hvað nú? Brúnó fær snilldarhugmynd. Hann og vinir hans smíða nýjan og brjálaðan bíl úr beygluðum bílflökum. Þeir eru óstöðvandi.
Suðurglugginn
Hér tekur Gyrðir upp þráðinn þar sem frá var horfið í Sandárbókinni og spinnur nýja frásögn um hlutskipti listamanns, í þetta sinn er það rithöfundur sem dvelur í sumarhúsi í grennd við lítið þorp og glímir við að skrifa skáldsögu, verk sem neitar stöðugt að taka á sig þá mynd sem höfundurinn leitast við að skapa.
Sumarið við brúna
Óvenjuleg glæpasaga. Árið 1908 var byggð 55 m löng bogabrú yfir Fnjóská. Ýmislegt bar til tíðinda, hamfaraflóð í ánni og dularfull dauðsföll. Viktor Arnar er þekktur höfundur vinsælla glæpasagna sem hafa verið gefnar út á fjölmörgum tungumálum. Útgefandi: sterkarsagnir@icloud.com.
Sumar í ísbúð Valintinos
Það er kominn tími til að hefja nýtt líf … Beca hefur rekið eigið fyrirtæki í borginni í áratug en nú þráir hún rólegra líf. Þegar hún sér draumahúsið sitt auglýst til sölu á æskuslóðunum, virðast örlögin ráðin.
Sumarljós, og svo kemur nóttin
Sumarljós, og svo kemur nóttin er sjötta skáldsaga Jóns Kalmans. Hún kom fyrst út árið 2005 og færði höfundi Íslensku bókmenntaverðlaunin. Jón Kalman hefur sent frá sér fimmtán skáldsögur, síðast Himintungl yfir heimsins ystu brún (2024). Bækur hans hafa verið þýddar á yfir 20 tungumál.
Súrkál fyrir sælkera
Viltu læra að gera súrkál, chutney, kimchi og fleira gerjað góðgæti sem bætir auk þess meltinguna og eflir heilsuna? Hér gefur Dagný Hermannsdóttir hagnýtar leiðbeiningar um grunnaðferðir, tæki og tól, hráefni, geymslu og fjölbreytta notkun sýrðs grænmetis auk fjölda einfaldra sælkerauppskrifta. Gagnleg og girnileg bók sem er loksins fáanleg aftur.
Svona svona, litli hvolpur
Angans litli hvolpur þarf aðstoð þína. Blíðar strokur og klapp á magann gera alla daga betri.
Syndafall
Yrsa Sigurðardóttir fléttar hér listilega saman ólíka þræði sem virðast algjörlega ótengdir en undir brothættu yfirborðinu lúrir ógæfan ...
Synda selir
Smásögur
Smásögur sem gerast á Íslandi og erlendis. Sagt frá ungum dreng sem gefur skyggnigáfu sína upp á bátinn, Danmerkurdögum með skáldlegu ívafi, gamalli konu með göngugreind, tímaflakki milli heimsálfa, sundfélögum sem leysa landsmálin í legvatni, vinskap manna með ólíka kynhneigð, pólitískum mannaráðningum og kynbótum á mönnum sem hljóta óvæntan endi.
Syng, mín sál
40 söngvar úr íslenskum handritum fyrri alda
Ómissandi bók fyrir allt áhugafólk um íslenska tónlistarmenningu. Lögin sem hér eru loks gerð aðgengileg eru af margvíslegum toga en eiga það sameiginlegt að hafa fyrir óralöngu lífgað upp á til veruna í hrjóstrugu landi á hjara veraldar.
Goðheimar 15 Sýnir völvunnar
Fimmtánda og síðasta bókin í bókaflokknum vinsæla um Goðheima. Fimbulvetur ríkir í Ásgarði og Fenrisúlfur er kominn aftur á kreik. Ragnarök virðast í nánd, jötnar búa sig undir bardaga og æsir ræsa út her einherja. Loki er sendur til að kljást við úlfinn og fær óvænta aðstoð frá Röskvu sem sýnir á sér nýja og afar óvænta hlið.
Sögur á sveimi
Tíu árum eftir að Jeanie Long var sakfelld fyrir morðið á hinni 15 ára gömlu Abigail Mantel koma fram upplýsingar sem sanna sakleysi hennar. En Jeanie treystir sér ekki til að horfast í augu við allt fólkið í þorpinu sem trúði því að hún gæti myrt unga stúlku og fremur sjálfsmorð áður en henni er sleppt úr fangaklefanum.
Sögurnar okkar
11 norrænar smásögur
Í þessari bók má finna fjölbreyttar smásögur fyrir börn og ungmenni eftir eftirtektarverða höfunda frá Norðurlöndunum. Sögurnar fjalla allar á einn eða annan hátt um vináttu, samskipti og allar þær margvíslegu tilfinningar sem fylgja því að vaxa úr grasi. Lóa Hlín Hjálmtýsdóttir skrifar framlag Íslands í bókina.